काठमाडौं । कञ्चनपुरमा श्रीमती माइत गएको झोँकमा आफ्नै खुट्टामा बञ्चरो प्रहार गरेका छन् । शुक्लाफाँटा नगरपालिका ७ शान्तिपुरका ४० वर्षीय गणेश लुहारले आफ्नै खुट्टामा बञ्चरो प्रहार गरेका हुन् ।

बञ्चरो प्रहारबाट लुहारको दायाँ खुट्टा गोलीगाँठाबाट छुट्टिएको छ
। इलाका प्रहरी कार्यालय झलारीका अनुसार आइतबार उनले छिमेकीको ट्युबवेलमा राखेर खुट्टोमाथि बञ्चरो प्रहार गरेका हुन् ।

आफ्नै खुट्टो छिनाउने लुहारलाई प्रहरीले तत्कालै काटिएको खुट्टासहित महाकाली अस्पताल महेन्द्रनगर लगेको छ । उनको अवस्था खतरामुक्त रहेको प्रहरीले जनाएको छ । उनको मानसिक स्थिति ठिक नभएको अनुमान प्रहरीले गरेको छ। पतिले दुःख दिएको भन्दै उनकी पत्नी धेरै दिनदेखि २ छोरीसहित माइतमा बस्दै आएकी छन् ।