सुनौलो नेपाल
पोखरा । कास्की प्रहरीले ‘अटेरी’ अभियन्ता अशोक खड्कालाई पक्राउ गरेको छ । शनिबार चुनाव चिह्नको विषयलाई लिएर गरेको प्रदर्शनबारे सोधपुछ गर्न खड्कालाई प्रहरीले नियन्त्रणमा लिएको हो । प्रदर्शनमा उच्छृङ्खल क्रियाकलाप र गालीगलौज गरेको कसुरमा खड्कालाई नियन्त्रणमा लिइएको कास्की प्रहरी प्रवक्ता डीएसपी सुन्दर तिवारीले जानकारी दिए ।
यो अभियानका अभियन्ताले पोखरामा मेयरसहित वडाध्यक्ष र वडासदस्यमा उम्मेदवारी दिएका छन् । अभियानले शनिबार बिहान लौरो चुनाव चिह्न पाएको थियो । पछि लौरो चुनाव चिह्न खोसिएपछि अटेरी अभियन्ताले शनिबार मुख्य निर्वाचन अधिकृतको कार्यालयअघि प्रदर्शन गरेका थिए ।
त्यहाँ अभियन्ता अशोकले आक्रोशित भएर निर्वाचन अधिकृतलाई धम्क्याएका थिए । ‘अटेरी अभियानले लौरो चुनाव चिह्न पाए पहिलो लौरो निर्वाचन अधिकृतलाई हान्नुपर्छ,’ उनले गेटअघि उभिएर आक्रोश पोखेका थिए ।
उनको यही गतिविधिबारे मुख्य निर्वाचन अधिकृतको कार्यालय, पोखराले कास्की प्रहरीमा लिखित ध्यानाकर्षण गराएको थियो । कार्यालयको पत्रपछि प्रहरीले खड्कालाई सोधपुछका लागि नियन्त्रणमा लिएको हो ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
विज्ञापनका लागि : ९८५१४२००७७, ९८५१४०३८९९
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
