भरतपुरमा रेनु दाहालले लिईन् ३ हजार बढी मतले अग्रता

सुनौलो नेपाल
बिहिबार, ५ जेष्ठ २०७९

भरतपुर । भरतपुर महानगरपालिका, चितवनको मेयर पदकी उम्मेदवार रेनु दाहालले ३ हजार भन्दा बढी मतले अग्रता लिएकी छन् । भरतपुरमा ३९ हजार ९६१ मत गनेर सकिंदा रेनुले १५ हजार १६२ मत पाएकी छन् । उनलाई पछ्याइरहेका नेकपा एमालेका उम्मेदवार विजय सुवेदीले १२ हजार १३६ मत पाएका छन् ।

स्वतन्त्र उम्मेदवार जगन्नाथ पौडेलले ६ हजार २६८ मत पाएका छन् । उपमेयर पदमा नेपाली कांग्रेसका चित्रसेन अधिकारीको अग्रता कायमै छ । उनले १७ हजार ५३५ मत पाएका छन् । उपमेयरको अर्का प्रत्यासी राप्रपाकी हिमला गुरुङले ९ हजार ७३२ मत पाएकी छन् ।

वडा नम्बर ९ को २ हजार ९४१ मत गणना हुँदा नेकपा एकीकृत समाजवादीका उम्मेदवारले १ हजार २८६ मत पाएका छन् । नेकपा एमालेका उम्मेदवारको पक्षमा ९५९ मत आएको छ ।

वडा नम्बर १० को ७ सय मत गणना हुँदा नेपाली कांग्रेसका उम्मेदवारले ३३० र नेकपा एमालेका उम्मेदवारले २३५ मत पाएका छन् ।