सुनौलो नेपाल
काठमाडौँ । सहिद स्मारक ए डिभिजन लिगमा जावलाखेल युथ क्लबलाई २–४ गोल अन्तरले खुमलटारले पराजित गरेको छ।
सातदोबाटोस्थित एन्फा कम्प्लेक्समा भएको खेलको २०औं मिनेटमा समिरले गोल गर्दै खुमलटारलाई अग्रता दिलाएका थिए। पहिलो हाफको खेल सकिन तीन मिनेट बाँकी रहँदा खुमलटारकै रोहित सुब्बाले गरेको आत्मघाति गोलसँगै जावलाखेल बराबरीमा फर्किएको थियो।
तर, पहिलो हाफको इन्जुरी समयमा समिरले नै पुनः गोल गर्दै १–२ को अग्रता दिलाएका थिए। समिरले ५१औं मिनेटमा ह्याट्रिक गरेसँगै खुमलटारले अग्रता १–३ मा लम्ब्याएको थियो।
इन्जुरी समयको तेस्रो मिनेटमा विनोद केसीले गरेको गोलसँगै स्कोरलाइन २–३ मा छोट्याएको जावलाखेल सम्हालिन नसक्दा पुनः गोल खायो।
मेसुके ओलोमोउले इन्जुरी मिनेटको पाँचौं मिनेटमा गोल गर्दै खुमलटारका लागि २–४ को जित सुनिश्चित गरे। त्यो गोलसँगै मेसुके जारी लिगका सर्वाधिक गोलकर्ता बनेका छन्। उनले १५ खेलमा १२ गोल गरिसकेका छन्।
आजै दशरथ रंगशालामा नेपाल पुलिस क्लब र हिमालयन शेर्पा क्लब प्रतिस्पर्धा गरिरहेका छन्।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
