सुनौलो नेपाल
चितवन । प्रहरीले चितवनको भरतपुर महानगरपालिका–१६ सूर्योदय टोलबाट लागुऔषधसहित बाराका २१ वर्षीय रबिन कुमार यादवलाई पक्राउ गरेको छ ।
शनिबार साँझ लागूऔषध डाइजेपाम १ सय ५२ एम्पुल, नुर्फिन १ सय ५२ एम्पुल र फेनारगन १ सय ५१ एम्पुलसहित यादवलाई नियन्त्रणमा लिइएको हो ।
भरतपुर महानगरपालिका–१६ मा रुपेश लामाको घरमा लागूऔषधको कारोबार भइरहेको भन्ने सूचनाको आधारमा घर तलासी गर्ने क्रममा उक्त लागूऔषधसहित फेला पारेको हो। हाल फरार रुपेश लामाको प्रहरीले खोजी गरिरहेको छ ।
यस्तै,कञ्चनपुरको बेलौरी नगरपालिका–१० कानीखल्लाबाट अवैध लागूऔषध खैरो हेरोइन जस्तो देखिने पदार्थ ६ ग्राम ९२ मिलिग्रामसहित बेलडाँडी गाउँपालिका–१ बस्ने २१ वर्षीय अर्जुन चौधरीसमेत २ जनालाई शनिबार साँझ प्रहरीले पक्राउ गरेको छ ।
प्रहरी चौकी भुडाबाट खटिएको प्रहरी टोलीले उनीहरुलाई उक्त पदार्थसहित सहित पक्राउ गरेको हो ।
सो सम्बन्धमा प्रहरीले थप अनुसन्धान गरिरहेको छ ।
सुनाैलाे नेपाल
सुनौलो नेपाल अनलाइन प्रा. लि.
अनामनगर काठमाडौँ, नेपाल
सूचना विभाग दर्ता नम्बर: ५४३/०७४-७५
सम्पर्क : ०१- ४१०२६६४
सम्पर्क : ०१- ४१०२६६४
समाचारको लागी इमेल :
[email protected]
विज्ञापनका लागि इमेल :
[email protected]
मोहराज पौडेल
अध्यक्ष / प्रबन्ध निर्देशक
बाबुराम खड्का
प्रधान सम्पादक
