काठमाडौं । चर्चित लोकगायक प्रकाश सपूतमाथि बोतल प्रहार भएको छ ।

विदेशमा एक सांगीतिक कार्यक्रममा गायक सपुतमाथि बोतल प्रहार भएको बताइएको छ । आइतबार (हिजो) रोमानियामा सांगीतिक कार्यक्रमका क्रममा उक्त घटना भएको हो ।

स्टेजमा आफ्नो प्रस्तुति दिइरहेका उनीमाथि बोतल प्रहार गरिएको थियो ।

कार्यक्रममा उपस्थितले एक दर्शकले बोतल प्रहार गरेको भिडियो अहिले सामाजिक सञ्जालमा छ्यापछ्याप्ती सार्वजनिक भएको छ ।

बोतल प्रहार भएपछि उनी प्रस्तुतिलाई बीचमै रोकेर स्टेजदेखि बाहिरिएको भिडियोमा देखिन्छ ।