काठमाडौं । सुदूरपश्चिम प्रदेशसभाको बैठक दिउँसो ३ बजेसम्मका लागि स्थगित गरिएको छ ।

प्रदेशसभाका प्रवक्ता नरेन्द्रबहादुर पालले आज बिहान ८ बजेका लागि बोलाइएको बैठक सत्तारुढ दलहरूबीच बजेटका विषयमा समझदारी जुट्न नसक्दा बैठक स्थगित गरी दिउँसो ३ बजेका लागि सारिएको जानकारी दिए ।

प्रदेश सरकारले ल्याएको आर्थिक वर्ष का लागि ल्याएको बजेटप्रति सरकारमा सहभागी दलहरुले नै असन्तुष्टि जनाउँदै आएका छन् ।

कांग्रेस बाहेकका सत्ता साझेदार माओवादी केन्द्र, नेकपा एकीकृत समाजवादी र नागरिक उन्मुक्ति पार्टीले संशोधन नगरेरै बजेट पारित हुन नदिने अडानमा कायम देखिन्छन् ।

असन्तुष्ट सत्तारुढ दलसँग फेरि छलफल गरेर सहमति जुटाउने प्रयास भइरहेको बताइएको छ ।