काठमाडौँ । नेकपा एमाले निकट अनेरास्ववियुकी नेता राजमती बम (रक्षा) लाई प्रहरीले पक्राउ गरेको छ ।
बमलाई महाराजगन्ज प्रहरी बृत काठमाडौँले पक्राउ गरेको जिल्ला प्रहरी परिसर काठमाडौँका प्रवक्ता एवं प्रहरी उपरीक्षक नवराज अधिकारीले जानकारी दिए ।
उनका अनुसार बमविरुद्ध आपराधिक लाभको मुद्दामा नियन्त्रणमा लिइएको र यस विषयमा थप अनुसन्धान सुरु भएको छ ।
बमको घर सुदूरपश्चिम रहेको र हाल उनी काठमाडौँमै बस्दै आएको खुलेको प्रहरीले जनाएको छ ।