विराटनगर । मोरङको ग्रामथान गाउपालिकाको अध्यक्ष पदमा मतदान जारी रहदा ४५ प्रतिशत मत खसेको छ । मुख्य निर्वाचन अधिकृतको कार्यालयले अपरान्ह २ बजेसम्म १२ हजार ६ सय ५४ मत खसेको छ जनाएको छ ।
ग्रामथानमा २६ हजार ४४ मतदाता रहेका छन् । १२ मतदान स्थलका २९ मतदान केन्द्रमा मतदान जारी रहेको छ ।
आइतबार विहान ७ बजेदेखि सुरु भएको मतदान शान्तिपूर्ण रुपमा चलिरहेको छ ।
मतदान केन्द्रहरूमा मतदाताहरू पुगिरहेका छन् । विहान केही सुस्त रहेको मतदानले अपरान्हतिर भने गति लिएको छ ।
धान काट्ने सिजन भएका कारण मतदाताहरूले घरमा पालो मिलाएर मतदान केन्द्रमा जाने गरेको बताएका छन् ।
ग्रामथान उपनिर्वाचनमा १५ वटा राजनीतिक दल र एक स्वतन्त्र गरी १६ जना उम्मेदवार प्रतिष्पर्धामा उत्रिएका छन् ।
प्रतिक्रिया दिनुहोस