काठमाडौँ । स्थानीय तहको रिक्त ४१ पदका लागि आइतबार भएको उपनिर्वाचनको सबै नतिजा सार्वजनिक भएको छ ।

निर्वाचन आयोगका अनुसार काठमाडौँको कीर्तिपुर नगरपालिकाका प्रमुख, दोलखाको गौरीशङ्कर गाउँपालिका उपाध्यक्ष, हुम्लाको सर्केगाड गाउँपालिका उपाध्यक्ष र उदयपुरको बेलका नगरपालिका–९ को वडाध्यक्षको मतगणना सम्पन्न भएसँगै सोमबार राति मतपरिणाम सार्वजनिक भएको हो ।

कीर्तिपुर नगरपालिकाको प्रमुखमा कांग्रेसका कृष्णमान डङ्गोल पाँच हजार तीन सय ३४ मत प्राप्त गरी विजयी भएका छन् ।

उनका निकटतम प्रतिस्पर्धी नेपाल कम्युनिष्ट पार्टी (माओवादी केन्द्र) का शिवशरण महर्जनले चार हजार पाँच सय ५५ मत प्राप्त गरे । यस्तै, नेपाल कम्युनिष्ट पार्टी (एमाले) का सुरेन्द्र मानन्धरले चार हजार तीन सय २७ र स्वतन्त्र उम्मेदवार राजमान महर्जनले दुई हजार ३६ मत प्राप्त गरे ।

मत परिणामअनुसार कांग्रेसले कीर्तिपुरको प्रमुखसहित १६ वडाध्यक्षमा जीत हासिल गरेको छ । यसैगरी एमाले एक गाउँपालिका अध्यक्ष, दुई गाउँपालिका उपाध्यक्ष र पाँच वटा वडामा विजयी भएको छ । माओवादी केन्द्रले एक गाउँपालिका अध्यक्ष, दुई गाउँपालिका उपाध्यक्ष र एक नगरपालिका उपाध्यक्षसहित सात वटा वडामा जीत हासिल गरेको छ ।

उपनिर्वाचनमा जसपा नेपाल दुई, एकीकृत समाजवादी, राष्ट्रिय स्वतन्त्र पार्टी, नेपाल मजदुर किसान पार्टी एकरएक स्थानमा विजयी हुँदा एक स्वतन्त्र उम्मेदवारले पनि वडाध्यक्षमा स्थान बनाएका छन् । कूल ४४ पदका लागि उपनिर्वाचनको कार्यतालिका रहे पनि आइतबार ४१ पदका लागि मात्रै मतदान भएको थियो ।

आयोगका अनुसार नगरपालिकाका प्रमुख एक जना, उपप्रमुख एक जना, गाउँपालिकाका अध्यक्ष दुई जना, उपाध्यक्ष चार जना तथा वडाध्यक्ष ३३ जना गरी जम्मा ४१ पदका लागि भएको उपनिर्वाचनमा राजनीतिक दलका दुई सय ७४ जना र स्वतन्त्र एक सय दुई जना गरी जम्मा तीन सय ७६ उम्मेदवार थिए ।

कांग्रेस विजयी- १७

कृष्णमान डङ्गोल, कीर्तिपुर नगरपालिकाको प्रमुख

नगेन्द्र लिम्बू, लालीगुराँस नगरपालिका-८ तेह्रथुम

तेतर साहु, गढी गाउँपालिका-६ सुनसरी

शेख अब्दुल खलिक, ईशनाथ नगरपालिका-७ रौतहट

समसे आलम, राजपुर नगरपालिका-६ रौतहट

इच्छाकुमार महर्जन, कीर्तिपुर नगरपालिका-१

राजेन्द्र बानियाँ, कीर्तिपुर नगरपालिका-४

अर्जुनप्रसाद तिवारी, हेटौंडा-१२, मकवानपुर

आनन्द श्रेष्ठ, गुल्मीको मुसिकोट-१

भूपमणि पुन मगर, रुन्टीगढी गाउँपालिका-४ रोल्पा

अमिन थारु, ठाकुरबाबा नगरपालिका-४ बर्दिया

खम्बबहादुर सिंह, कुशे गाउँपालिका-७ जाजरकोट

मोतिराम खत्री, सानीभेरी गाउँपालिका-५ रुकुमपश्चिम

धिरेन्द्र पुजारा, सूर्मा गाउँपालिका-४ बझाङ

मोहन थापा, पुर्वीचौकी गाउँपालिका-६ डोटी

धनसिंह कुँवर, दुहु गाउँपालिका-५ दार्चुला

प्रकाश चन्द, भीमदत्त नगरपालिका-६ कञ्चनपुर

माओवादी केन्द्र विजयी- १०

देवकी तिमिल्सिना, हुम्लाको सर्केगाड गाउँपालिकाको उपाध्यक्ष

भरत घिमिरे, उदयपुरको बेलका नगरपालिका–९ वडाध्यक्ष

नवीनकुमार बान्तवा राई, त्रियुगा नगरपालिका-१२ उदयपुर

सुनिल कापर केवट, धनुषाधाम नगरपालिका-१ धनुषा

कृष्ण घिमिरे, ककनी गाउँपालिका-२ नुवाकोट

विष्णुबहादुर मगर, गोरखा नगरपालिका-५ गोरखा

जगत घर्ती, पुथा उत्तरगंगा-२ रोल्पा

नमोनारायण माझी, ग्रामथान गाउँपालिका अध्यक्ष, मोरङ

देवका लामिछाने, नलगाड नगरपालिका उपमेयर, जाजरकोट

नरबहादुर झाँक्री, त्रिपुरासुन्दरी नगरपालिका-५ डोल्पा

एमालेबाट निर्वाचित- ८

उमा लुङ्गेली मगर शेर्पा, दोलखाको गौरीशङ्कर गाउँपालिकाको उपाध्यक्ष

कुमारी सावादेन, सिरिजंघा-३ ताप्लेजुङ

गंगाबहादुर तामाङ, मोलुङ गाउँपालिका अध्यक्ष, ओखलढुंगा

सकिबुल खाँ, रामगोपालपुर नगरपालिका-२ महोत्तरी

मोहम्द ताहिर मुसलमान, शुद्धोधन गाउँपालिका-१ कपिलवस्तु

लालबहादुर शाही, दुल्लु नगरपालिका-१३ दैलेख

जंगबहादुर शाही, महाबु गाउँपालिका अध्यक्षमा दैलेख

सुलोचना भण्डारी, स्वामीकार्तिक खापर गाउँपालिका उपाध्यक्ष, बाजुरा

जसपा नेपाल विजयी- २

धीरेन्द्रकुमार साह, डाक्नेश्वरी-१, सप्तरी

देवेन्द्रप्रसाद यादव, डाक्नेश्वरी-४, सप्तरी

राष्ट्रिय स्वतन्त्र पार्टी विजयी

रोजिना श्रेष्ठ, काठमाडौं-१६

एकीकृत समाजवादी विजयी

बजरंगीप्रसाद यादव, गढीमाई नगरपालिका-८ रौतहट

नेमकिपा विजयी

खड्गराज शाही, तिलागुफा नगरपालिका-४ कालिकोट

स्वतन्त्र विजयी

लक्ष्मीप्रसाद ओली, कन्काई नगरपालिका-६ झापा