सञ्चार मन्त्रीले भने : मेरो बोल्ने शैली सच्याउने प्रतिबद्धता गर्दछु

सुनौलो नेपाल

सोमवार , चैत्र १७, २०८१

सञ्चार मन्त्रीले भने : मेरो बोल्ने शैली सच्याउने प्रतिबद्धता गर्दछु

काठमाडौं । सञ्चार तथा सूचना प्रविधिमन्त्री पृथ्वीसुब्बा गुरुङले आफ्नो बोल्ने शैलीले कसैलाई चोट परेको भए क्षमा माग्दै आगामी दिनमा शैली सच्याउने प्रतिबद्धता व्यक्त गरेका हुन् ।

सोमबार राष्ट्रिय सभाको बैठकमा बोल्दै उनले आफूले कसैलाई होच्याउनका लागि अभिव्यक्ति नदिएको भन्दै भने, ‘मेरो यो शैलीले गर्दा तपाईंहरूलाई चोट लागेछ भने म आफ्नो शैली सच्याउने प्रतिबद्धता जाहेर गर्दछु ।’

उनले अगाडि थपे, ‘एउटा कुरा मैले आज बोल्नैपर्ने भएको छ । मेरो जिब्रो सोझो छ । सिधा छ । घुमाउरो छैन । म फेरि एग्रेसिप लोजिकमा विश्वास गर्छु । शैलीका हिसाबले पनि । मैले कुनै मान्यको अपमान गर्ने ढंगले बोलेको पनि थिएन । मेरो मनमा एक प्रतिशत पनि छैन ।’