अख्तियारमा पूर्वमन्त्री रञ्जिता श्रेष्ठको बयान

सुनौलो नेपाल

बुधवार , श्रावण ७, २०८२

अख्तियारमा पूर्वमन्त्री रञ्जिता श्रेष्ठको बयान

काठमाडौं। अख्तियार दुरुपयोग अनुसन्धान आयोगले पूर्वमन्त्री एवं नागरिक उन्मुक्ति पार्टीका अध्यक्ष रञ्जिता श्रेष्ठसँग बयान लिन सुरु गरेको छ ।

अख्तियार स्रोतका अनुसार उनलाई बयानका लागि झिकाएको हो । बुधबर बिहान १० बजेदेखि उनीसँग सोधपुछ सुरु गरिएको छ ।

कास्कीको पोखरा बाटुलेचौरस्थित ‘लिची बगान’ को १ सय ३४ रोपनी जग्गा हडप्ने प्रपञ्चमा पूर्वभूमि व्यवस्थामन्त्री एवं नागरिक उन्मुक्ति पार्टीकी अध्यक्ष समेत रहेकी श्रेष्ठ पनि ‘बिचौलिया’ भूमिकामा संलग्न रहेको पाइएको छ ।

तत्कालीन संघीय मामिला तथा सामान्य प्रशासनमन्त्री राजकुमार गुप्ता र बिचौलिया सुजन लामाबीच भएको घूस ‘डिल’ प्रकरणमाथि अख्तियार दुरुपयोग अनुसन्धान आयोगले अनुसन्धान गर्ने क्रममा सांसदसमेत रहेकी श्रेष्ठको पनि संलग्नता देखिएको हो ।

छानविनकै सिलसिलामा अख्तियारले पूर्वमन्त्री श्रेष्ठको पनि संलग्नता भेटेपछि बयानका लागि बोलाएको हो ।