मंगलवार, आषाढ ९ गते २०८३
मंगलवार, आषाढ ९ गते २०८३
मंगलवार, आषाढ ९ गते २०८३
शनिवार , भाद्र ७, २०८२
चितवन । सुक्खा पहिरोका कारण नारायणगढ–मुग्लिन सडकखण्ड अवरुद्ध भएको छ । चितवनको इच्छाकामना गाउँपालिका– ५ तुइनखोलास्थित सडकखण्डमा आज बिहान पहिरो खसेर सडक अवरुद्ध बनेको हो ।
जिल्ला प्रहरी कार्यालय चितवनका अनुसार अहिले पहिरो पन्छाउने काम भइरहेको जनाएको छ । सो ठाउँमा चट्टानसहितको पहिरो खसेको र पन्छाएर केहीबेरमा बाटो सञ्चालन गर्ने तयारी भइरहेको प्रहरीले जनाएको छ ।
पहिरोले बाटो दुईतर्फी नै बन्द भएको छ । तुइन खोलामा पुल बनाउन पहाड काटेको ठाउँमा बेला बेलामा पहिरो र सुख्खा पहिरो जाने तथा साना ठूला ढुंगा पटक–पटक सडकमा खस्ने गरेका छन् । पुलको नारायणगढ तर्फको भाग जोखिमपूर्ण छ ।
सो ठाउँमा साउन चारमा एउटा भारतीय कारमाथि ढुंगा खसेर तीनजना घाइते भएका थिए । त्यसै गरी साउन २९ मा पनि भारतीय ट्रकमाथि ढुंगा खस्दा तीनजनालाई चोट लागेको थियो ।
नारायणगढ मुग्लिन सडक राजधानी काठमाडौं र पर्यटकीय सहर पोखरालाई देशको पूर्वी र पश्चिम भेगसँग जोड्ने मुख्य सडक हो । राजधानीको लाइफलाइन भनिने यो सडकलाई विस्तार गरेर एसियाली मापदण्ड अनुरूपको दुई लेनको फराकिलो बनाउनुका साथै सडक अनुरूपका फराकिला १८ वटा नयाँ पुल थपिएका छन् ।
तर सडक विस्तार गर्दा र पुल बनाउँदा पहाड काटेको ठाउँमा पहिरो र सुख्खा पहिरो खसेर दुख दिने समस्या अत्यधिक छ ।
पहिरोका कारण गन्तव्यमा हिँडेका सवारीसाधन रोकिएका छन् ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस