१९ जना जेनजीहरूले ज्यान गुमाएपछि गृहमन्त्री लेखकले दिए राजीनामा

सुनौलो नेपाल

सोमवार , भाद्र २३, २०८२

१९ जना जेनजीहरूले ज्यान गुमाएपछि गृहमन्त्री लेखकले दिए राजीनामा

काठमाडौं । गृहमन्त्री रमेश लेखकले राजीनामा दिएका छन् । उनले सोमबार साँझ बसेको मन्त्रिपरिषद् बैठकमा आफ्नो राजीनामा प्रधानमन्त्री केपी शर्मा ओलीसमक्ष बुझाएका हुन् ।

सोमबार भएको जेनजीहरूको प्रदर्शनमा अहिलेसम्म १९ जनाले ज्यान गुमाइसकेका छन् । उक्त घटनाको आफूले नैतिक जिम्मेवारी लिनुपर्ने भन्दै लेखकले राजीनामा दिएका हुन् ।

यसअघि कांग्रेस पदाधिकारी बैठकमा गृहमन्त्री लेखकले आन्दोलनमा अकल्पनीय मानवीय क्षति भएको भन्दै नैतिकताका आधारमा आफू पदबाट राजिनामा दिने बताएका थिए ।

सोमबार जेनजीले देशभर आन्दोलन गरेको थियो । काठमाडौंसहित देशभरका विभिन्न शहरमा गरेको प्रदर्शनका क्रममा प्रहरीले दमन गर्दा १९ जनाभन्दा बढी जेनजी प्रदर्शनकारीको मृत्यु भएको छ ।

त्यसपछि गृहमन्त्री, प्रभानमन्त्रीसहित सरकारको आलोचना चौतर्फीरुपमा भएको छ । उनले राजिनामा दिदाँसम्म १९ जना जेनजीहरूले ज्यान गुमाइसकेका छन् भने अझै धेरै घाइते उपचाररत छन् ।