जेनजी नेपालका नाममा फरकफरक वक्तव्य, एक समूह कुलमानलाई प्रधानमन्त्री मान्न तयार

सुनौलो नेपाल

बिहिवार , भाद्र २६, २०८२

जेनजी नेपालका नाममा फरकफरक वक्तव्य, एक समूह कुलमानलाई प्रधानमन्त्री मान्न तयार

काठमाडौं । यतिबेला जेनजी नेपालका नाममा फरकफरक समूहले वक्तव्य जारी गरिरहेका छन् ।

अहिले जेनजीका केहि व्यक्तिले सुशीला कार्कीको नाम अघि सारेका छन् भने केहि व्यक्तिको समूहले त्यसको विरोध गर्दै कुलमान घिसिङको नाम अन्तरिम सरकारको प्रधानमन्त्रीका लागि अघि सारेका छन् ।

त्यस्तै, युवाहरुले अत्याधिक रुचाएका काठमाडौंका मेयर बालेन साहले आफू अन्तरिम मन्त्रिपरिषदको नेतृत्वबाट ब्याक भएर सुशीला कार्कीलाई नै समर्थन गर्ने बताई सकेका छन् ।

तर यतिबेला फेरी जेनजी नेपालले अर्काे वक्तव्य जारी गर्दै आफूहरूको पहिलो प्राथमिकता बालेन साह रहे पनि बालेनले यो प्रक्रियामा रुचि नै नदेखाएपछि कुलमान उपयुक्त पात्र रहेको उल्लेख गरेको छ ।

कुलमान नेपाल विद्युत प्राधिकरणका पूर्वकार्यकारी निर्देशक हुन् । उनी आफ्नो कार्यकालमा उज्यालो नेपाल, लोडसेडिङ मुक्त नेपालका लागि गरेको कामबाट जनतामाझ लोकप्रिय छन् ।

यतिबेला जेनजी एकताबद्ध छैन । जेनजी नै एकप्रकारले नेतृत्वविहीन हुँदा अन्तरिम सरकारको नेत्रृत्वका लागि सहमति हुन सकेको छैन ।