आइतवार, जेठ ३१ गते २०८३
आइतवार, जेठ ३१ गते २०८३
आइतवार, जेठ ३१ गते २०८३
सोमवार , भाद्र ३०, २०८२
काठमाडौं । नवनियुक्त ऊर्जामन्त्री कुलमान घिसिङले सोमबार पदभार ग्रहण गर्दै ऐतिहासिक घोषणा गरेका छन् ।
मन्त्री घिसिङले आफूले पाउने तलब, भत्ता तथा सुविधाहरू व्यक्तिगत रूपमा प्रयोग नगरी सबै रकम सहिद परिवारको कोषमा जम्मा गर्ने निर्णय गरेका हुन् ।
पदभार ग्रहण कार्यक्रमलाई सम्बोधन गर्दै उनले देश बनाउन अब ८ घण्टा हैन, १८ घण्टा काम गर्नुपर्ने समय आएको स्पष्ट पारे । उनले सबै कर्मचारीलाई इमानदारीपूर्वक काम गर्न आह्वान गरे ।
मन्त्री घिसिङले पदभार ग्रहणसँगै पहिलो निर्णय स्वरूप विद्युत् प्राधिकरणको वक्यौता रकम उठाउने प्रक्रिया तत्काल अघि बढाउने घोषणा गरे । साथै, उनले खादा, माला, अबिर जस्ता औपचारिक सत्कारको प्रथालाई त्याग गर्दै आफूले यस्तो केही नलिने पनि सार्वजनिक रूपमा बताएका छन् ।
उर्जाक्षेत्रलाई पारदर्शी, सक्षम र जनमुखी बनाउन प्रतिबद्ध रहेको बताएका मन्त्री घिसिङको यो निर्णयलाई देशभर सकारात्मक रूपमा हेरिएको छ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस