आइतवार, जेठ ३१ गते २०८३
आइतवार, जेठ ३१ गते २०८३
आइतवार, जेठ ३१ गते २०८३
आइतवार , जेठ ३१, २०८३
बुटवल / राष्ट्रिय स्वतन्त्र पार्टी (रास्वपा) लुम्बिनी प्रदेश समितिको नयाँ नेतृत्व चयनका लागि भएको निर्वाचनको मतगणना जारी रहँदा सभापति पदको प्रतिस्पर्धा निकै रोचक बनेको छ ।
निर्वाचन समितिका अनुसार आइतबार बिहानसम्म ३ सय मत गणना सम्पन्न हुँदा सभापतिका उम्मेदवार शालिक घिमिरे १ सय १ मतसहित अग्रस्थानमा छन् । यद्यपि अन्य उम्मेदवारहरूसँगको मतान्तर धेरै नभएकाले अन्तिम नतिजाबारे अनुमान गर्न सकिने अवस्था छैन ।
हालसम्मको मतपरिणामअनुसार गोपाल घिमिरेले ५२, गणेश पौडेलले ५०, मञ्जु भुसालले ४४, राजकुमार सुवेदीले ४३ तथा मधुप्रसाद अर्यालले १० मत प्राप्त गरेका छन् ।
शनिबार राति सम्पन्न मतदानमा कुल ५ सय ४२ मत खसेको थियो । बाँकी मतको गणना जारी रहेकाले विजेताको टुंगो लाग्न अझ केही समय लाग्ने निर्वाचन समितिले जनाएको छ ।
प्रतिनिधिहरूका अनुसार सभापति पदमा निर्वाचित हुन कुल खसेको मतमध्ये ५१ प्रतिशत मत आवश्यक पर्ने व्यवस्था रहेकाले कुनै उम्मेदवारले आवश्यक मत प्राप्त नगरे पुनः निर्वाचनको सम्भावना पनि रहेको छ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस