काठमाडौं । नेकपा (एमाले)का वरिष्ठ उपाध्यक्ष ईश्वर पोखरेलले संविधान दिवसको अवसरमा पार्टी कार्यालय डढेर खरानी भए पनि एमालेको इच्छाशक्ति मरेको छैन भनेका छन्।
पोखरेलले भने, “यो चुनौती सामना गरेर नेकपा एमाले फेरि अघि बढ्छ। हाम्रो कार्यालय डढेर खरानी भयो, तर इच्छाशक्ति कहिले मर्ने छैन।”
उनले देशले व्यहोरेको दुर्भाग्यपूर्ण घटनामा दुख व्यक्त गर्दै एमालेका नेतादेखि कार्यकर्तासम्म कहिले पनि विचलित नहुने बताएका छन्।
संविधान नेपाली जनताको वर्षौँ संघर्षपश्चात प्राप्त उपलब्धि भएको उल्लेख गर्दै, “जस्तोसुकै परिस्थिति आए पनि हामी राष्ट्रिय दिवसमा एकता भएर अघि बढ्छौँ” उनले भने।
प्रतिक्रिया दिनुहोस