नेपालमा बाढी–पहिरोबारे दुःख व्यक्त गर्दै मोदीले भने : आवश्यक सहयोगका लागि तयार छौँ

सुनौलो नेपाल

आइतवार , आश्विन १९, २०८२

नेपालमा बाढी–पहिरोबारे दुःख व्यक्त गर्दै मोदीले भने : आवश्यक सहयोगका लागि तयार छौँ

काठमाडौँ । शुक्रबार र शनिबार परेको अविरल वर्षापछि नेपालमा आएको बाढी र पहिरोका कारण भएको जनधनको क्षतिप्रति भारतीय प्रधानमन्त्री नरेन्द्र मोदीले गहिरो दुःख व्यक्त गरेका छन् । प्रधानमन्त्री मोदीले सामाजिक सञ्जाल ‘एक्स’ मार्फत दुःख व्यक्त गरेका हुन् । उनले आवश्यक सबै प्रकारको सहयोग उपलब्ध गराउन भारत तत्पर रहेको बताएका छन् । उनले लेखेका छन्, ‘नेपालमा भारी वर्षाका कारण भएको जनहानि र क्षति अत्यन्त दुःखद छ। यस कठिन समयमा हामी नेपालका जनता र सरकारसँग ऐक्यबद्ध छौँ। मैत्रीपूर्ण छिमेकी र पहिलो प्रतिकारकका रूपमा भारत आवश्यक सहयोग उपलब्ध गराउन प्रतिबद्ध छ।’

The loss of lives and damage caused by heavy rains in Nepal is distressing. We stand with the people and Government of Nepal in this difficult time. As a friendly neighbour and first responder, India remains committed to providing any assistance that may be required.
— Narendra Modi (@narendramodi) October 5, 2025