जेनजी आन्दोलनमा खटिएका प्रहरीको बयान आजदेखि सुरु

सुनौलो नेपाल

बिहिवार , कार्तिक २०, २०८२

जेनजी आन्दोलनमा खटिएका प्रहरीको बयान आजदेखि सुरु

काठमाडौं । जेनजी आन्दोलनका क्रममा फिल्डमा खटिएका प्रहरी अधिकारी र जवानहरूको बयान आज (बिहीबार) देखि सुरु भएको छ।

विशेष अदालतका पूर्वअध्यक्ष गौरीबहादुर कार्कीको नेतृत्वमा बनेको उच्चस्तरीय जाँचबुझ आयोगले बिहीबारदेखि उक्त बयान प्रक्रिया अघि बढाएको हो। आयोगका अनुसार आन्दोलनका दिन फिल्डमा जिम्मेवारी सम्हालेका प्रहरी इन्चार्ज र अन्य सुरक्षाकर्मीहरूको विवरण प्राप्त भइसकेको छ र उनीहरूलाई क्रमशः बयानका लागि बोलाइनेछ।

बुधबार मात्रै आयोगले राष्ट्रिय स्वतन्त्र पार्टी (रास्वपा) का सभापति तथा तत्कालीन गृहमन्त्री रवि लामिछानेसँग पनि बयान लिएको थियो। आयोगले अब आन्दोलनका क्रममा निर्णय लिने, निर्देशन दिने र फिल्डमा खटिने सबै तहका जिम्मेवार व्यक्तिहरूसँग क्रमशः बयान लिने तयारी गरेको छ।