काठमाडौं । प्रतिनिधिसभा निर्वाचनका लागि नेकपा (एमाले) ले दल दर्ता गराएको छ ।
आज एमालेका निर्वाचन विभाग प्रमुख निरज आचार्यले दल दर्ताको लागि निर्वाचन आयोगमा निवेदन दिएका हुन् ।
आगामी फागुन २१ गते हुने प्रतिनिधिसभा निर्वाचन प्रयोजनका लागि दल दर्ताको समय बुधबारसम्म तोकिएको छ ।
यसैबीच, राप्रपाले पनि निर्वाचन आयोगमा दल दर्ता गराएको छ । राप्रपाको तर्फबाट केदारबहादुर अधिकारीले दल दर्ताको निवेदन दिएका हुन् ।
एमाले र राप्रपाले पनि दल दर्ता गराएसँगै अहिलेसम्ममा प्रतिनिधिसभा निर्वाचनका लागि ६६ दल दर्ता भइसकेका छन् ।
प्रतिक्रिया दिनुहोस