काठमाडौं । नेकपा एमालेका अध्यक्ष केपी शर्मा ओलीले एमाले चुनावबाट वहुमतसहित फर्किने दावी गरेका छन् ।
पार्टीको नवयुग ई–बुलेटिन शुभारम्भ कार्यक्रमलाई सम्बोधन गर्दै अध्यक्ष ओलीले फागुनमा चुनाव हुने अवस्था नरहे पनि अब हुने चुनावको तयारीमा एमाले रहेको बताएका हुन् ।
कतिपयले पूराना पार्टीलाई आउन नदिने भनेर भनेको बताउँदै एमालेलाई कसैले परास्त गर्न नसक्ने पनि उनले बताए ।
अध्यक्ष ओलीले एमाले यसअघि पनि जनमतबाटै सत्तामा फर्किएको भन्दै फेरि पनि फर्किने दावी गरे । सरकार फेर्ने वा समिकरण बनाउने खेलमा एमाले नरहेको पनि उनले स्पष्ट पारे ।
बर्तमान सरकार अहिले आफूलाई दिएको जिम्मेवारीभन्दा बाहिर गइरहेको ओलीले आरोप लगाए ।
प्रतिक्रिया दिनुहोस