काठमाडौं । नेकपा एमालेको ११ औं महाधिवेशनबाट १९ पदाधिकारी निर्वाचित भएका छन्।

यो जितसँगै अध्यक्षमा केपी शर्मा ओलीको ह्याट्रिक भएको छ । ईश्वर पोखरेललाई हराउँदै ओली एमालेको तेस्रो कार्यकालका लागि निर्वाचित भएका हुन्।

अध्यक्ष पदमा ओलीले १६६३ मत ल्याउँदा पोखरेलले ५६३ मत ल्याउँदै पराजित भएका हुन् ।

पदाधिकारीमा २ जनाबाहेक सबै ओली पक्षका निर्वाचित भएका छन्। ईश्वर पोखरेल पक्षका गोकर्ण विष्ट उपाध्यक्षमा निर्वाचित भए भने उपमहासचिवमा योगेश भट्टराई निर्वाचित भएका हुन् ।

एमाले महाधिवेशनमा २२६३ महाधिवेशन प्रतिनिधि थिए। ३६ जना प्रतिनिधिले मत हालेनन्। एमालेमा नयाँ नेतृत्वका लागि बुधबार बिहानदेखि सुरू भएको मतदान आज बिहान ७: ०० बजे सम्पन्न भएको थियो । मतदानमा ८० वटा विद्युतीय भोटिङ मेसिन प्रयोग गरिएका थिए ।

नवनिर्वाचित पदाधिकारी :

अध्यक्ष

केपी शर्मा ओली

उपाध्यक्ष - ५ जना

पृथ्वी सुब्बा गुरूङ

विष्णुप्रसाद पौडेल

रामबहादुर थापा बादल

गोकर्ण विष्ट (ईश्वर पोखरेल प्यानलबाट)

रघुजी पन्त

महासचिव - १ जना

शंकर पोखरेल

उपमहासचिव - ३ जना

लेखराज भट्ट

योगेश भट्टराई (ईश्वर पोखरेल प्यानलबाट)

रघुवीर महासेठ

सचिव - ९ जना

महेश बस्नेत

पद्माकुमारी अर्याल

शेरधन राई

यामलाल कँडेल

राजन भट्टराई

छविलाल विश्वकर्मा

खगराज अधिकारी

हिक्मत कार्की

भानुभक्त ढकाल