काठमाडौं । मधेश प्रदेश सभाको रिक्त सभामुख पदका लागि आज निर्वाचन हुँदैछ । पदअनुकूल आचरण नगरेको आरोपमा तत्कालीन सभामुख रामचन्द्र मण्डललाई सातदलीय गठबन्धनले गत मंसिर ३ गते दुईतिहाइ बहुमतबाट हटाएपछि नयाँ सभामुख चयन प्रक्रिया अघि बढाइएको हो ।
सभामुख पदका लागि दुई जनाले उम्मेदवारी दर्ता गराएका छन् । नेकपा एमालेका प्रदेश सांसद त्रिलोकी प्रसाद र सातदलीय गठबन्धनतर्फबाट जनता समाजवादी पार्टी नेपालका प्रमुख सचेतक रामअशिष यादव उम्मेदवार छन् ।
आज दिउँसो १ बजे बस्ने प्रदेशसभा बैठकमा सभामुख निर्वाचित गरियोस् भन्ने प्रस्ताव निर्णयार्थ प्रस्तुत गरिने कार्यतालिका रहेको छ ।
प्रतिक्रिया दिनुहोस