आइतवार, जेठ २४ गते २०८३
आइतवार, जेठ २४ गते २०८३
आइतवार, जेठ २४ गते २०८३
शनिवार , माघ ३, २०८२
काठमाडौं । निर्वाचन आयोगले गगन थापा नेतृत्वको नेपाली कांग्रेस केन्द्रीय कार्यसमितिलाई औपचारिक रूपमा मान्यता दिएपछि पार्टीभित्रको विवाद थप चर्किएको छ । आयोगको निर्णयपछि शेरबहादुर देउवा पक्षले केन्द्रीय कार्यसमितिको बैठक बोलाएको छ ।
देउवा पक्षले बोलाएको बैठक आज बिहान ८ बजे पार्टी केन्द्रीय कार्यालय सानेपामा बस्नेछ । बैठकमा केन्द्रीय कार्यसमितिका पदाधिकारी, सदस्य, आमन्त्रित सदस्य तथा सातै प्रदेश कार्यसमितिका सभापतिलाई उपस्थित हुन बोलाइएको छ ।
तर, निर्वाचन आयोगले विशेष महाधिवेशनलाई वैधानिकता दिने निर्णय गरेपछि शेखर कोइराला निकट केन्द्रीय सदस्य तथा पदाधिकारीहरूले उक्त बैठकमा सहभागी नहुने निर्णय गरेका छन् । कांग्रेस केन्द्रीय सदस्य दिनेश कोइरालाले सुनौलो नेपालसँग कुराकानी गर्दै उनले शेखर कोइराला पक्षका नेताहरू बैठक सहभागी गर्ने निर्णय गरेको बताए।
उनले निर्वाचन आयोगले गरेको निर्णयलाई स्वीकार गर्दै अब पार्टीलाई एकीकृत बनाएर अघि बढ्नुपर्ने धारणा राखे । पार्टीभित्र उत्पन्न विवाद समाधान गर्दै संगठन सुदृढीकरणमा ध्यान दिनुपर्ने उनको भनाइ छ ।
निर्वाचन आयोगको निर्णयसँगै नेपाली कांग्रेसभित्रको आन्तरिक राजनीतिक अवस्था थप संवेदनशील बनेको छ । देउवा, शेखर र गगन थापा पक्षबीचको शक्ति सन्तुलन र आगामी राजनीतिक कदमलाई लिएर कांग्रेसभित्र चासो बढेको छ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस