काठमाडौं । राष्ट्रिय स्वतन्त्र पार्टीले समाजसेवी आशिका तामाङलाई धादिङ क्षेत्र नम्बर १ को उम्मेदवार बनाएको छ ।
सोमबार तामाङलाई रास्वपा पार्टी कार्यालयमा गणेश पराजुलीले टिकट दिएका हुन्।
आशिकाले यसअघि काठमाडौं-२ वा ९ लाई प्राथमिकतामा राख्दै स्वतन्त्र उम्मेदवारी दिने घोषणा गरेकी थिइन् । तर उक्त घोषणाबाट पछि हटेर उनी धादिङ-१ बाट रास्वपा उम्मेदवार बनेकी हुन् । आशिकाको जन्मथलो पनि धादिङ हो ।
आशिकाले रास्वपामा आउनका लागि जेनजी घाइतेहरुको एजेन्डा अघि सारेकी थिइन् । उनको प्रस्तावमा सहमति जनाउँदै रास्वपाले तीनजना जेनजी घाइतेहरुलाई बन्दसूचीमा समेटेको छ भने केन्द्रीय समितिमा पनि लैजाने भएको छ ।
प्रतिक्रिया दिनुहोस