मंगलवार, जेठ २६ गते २०८३
मंगलवार, जेठ २६ गते २०८३
मंगलवार, जेठ २६ गते २०८३
मंगलवार , माघ ६, २०८२
काठमाडौं । शिक्षा, विज्ञान तथा प्रविधि मन्त्री महाविर पुनले आफ्नो पदबाट राजीनामा दिएका छन् । अर्थमन्त्री रामेश्वर खनालले सामाजिक सञ्जालमार्फत् पुनको राजीनामाबारे जानकारी दिएका हुन् ।
अर्थमन्त्री खनालले फेसबुकमा लेखेका छन्, “महाविर पुनले आफ्नो अभियानमा लाग्न राजीनामा दिनुभएको छ ।” यससँगै पुनले मन्त्री पदबाट अलग भएर पुनः आफ्ना सामाजिक तथा प्रविधि अभियानमा केन्द्रित हुने संकेत गरेका छन् ।
महाविर पुन नेपालमा सूचना प्रविधि, इन्टरनेट विस्तार, ग्रामीण विकास र नवप्रवर्तनका अभियन्ताका रूपमा परिचित छन् । मन्त्री नियुक्त भएपछि उनले शिक्षा र प्रविधि क्षेत्रमा सुधारका लागि विभिन्न पहल अघि बढाएका थिए । विशेषगरी विद्यालयस्तरमा प्रविधि पहुँच विस्तार, अनुसन्धान तथा नवप्रवर्तनलाई प्रोत्साहन गर्ने नीति निर्माणमा उनको सक्रियता देखिएको थियो ।
उनको राजीनामापछि शिक्षा, विज्ञान तथा प्रविधि मन्त्रालय नेतृत्वविहीन बनेको छ । अब मन्त्रालयको जिम्मेवारी कसले सम्हाल्ने भन्नेबारे सरकारको औपचारिक निर्णय आउन बाँकी छ । राजनीतिक वृत्तमा पुनको राजीनामालाई व्यक्तिगत अभियान र सार्वजनिक सेवाबीच सन्तुलन खोज्ने कदमका रूपमा हेरिएको छ ।
महाविर पुनले भविष्यमा पनि शिक्षा, विज्ञान र प्रविधि क्षेत्रमै योगदान निरन्तर रहने विश्वास व्यक्त गर्ने अनुमान गरिएको छ । सरकारका तर्फबाट भने उनको राजीनामासम्बन्धी औपचारिक निर्णय सार्वजनिक हुन बाँकी छ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस