शनिवार, जेठ २३ गते २०८३
शनिवार, जेठ २३ गते २०८३
शनिवार, जेठ २३ गते २०८३
शनिवार , फाल्गुण १६, २०८२
कैलाली । नेपाली कम्युनिस्ट पार्टी (नेकपा) का प्रभावशाली नेता तथा कैलाली–५ का उम्मेदवार प्रेमबहादुर आलेले कैलाली निर्वाचन क्षेत्र नम्बर ५ का जनताको सेवामा आफू अहोरात्र खटिने दृढ प्रतिबद्धता व्यक्त गरेका छन् ।
शनिबार धनगढी उपमहानगरपालिका–३ विशालनगरमा आयोजना गरिएको मतदाता भेटघाट तथा घरदैलो कार्यक्रममा बोल्दै उनले विगतमा मन्त्रीको जिम्मेवारी सम्हाल्दा थुप्रै महत्वपूर्ण विकास आयोजनाहरू सफलतापूर्वक सम्पन्न गरेको अनुभव सुनाउँदै विकास, सुशासन र जनताको समृद्धिलाई आफ्नो मुख्य एजेन्डा बनाएको बताए ।
उम्मेदवार आलेले आफू काम गरेर देखाउने नेता भएको दाबी गर्दै भने, “म अरूजस्तो झुटा आश्वासन बाँड्ने नेता होइन । म परिणाम देखाउने मान्छे हुँ । जनताको सेवा नै मेरो पहिलो प्राथमिकता हो ।”
उनले शिक्षा, स्वास्थ्य, कृषि, सडक पूर्वाधार, खानेपानी तथा रोजगारीका क्षेत्रमा ठोस कार्यक्रम ल्याउने प्रतिबद्धता जनाए ।
उनले कैलाली–५ लाई समृद्ध, व्यवस्थित र अवसरयुक्त क्षेत्रका रूपमा विकास गर्ने लक्ष्य रहेको उल्लेख गरे ।
विशेषगरी युवाहरूका लागि सीपमूलक तालिम, स्वरोजगारका अवसर तथा उद्यमशीलता प्रवर्द्धनका कार्यक्रम सञ्चालन गरिने आफ्नो योजना रहेको उनको भनाइ छ ।
“अबको पाँच वर्ष कैलाली–५ को रूपान्तरणका वर्ष हुनेछन् । यहाँको विकासका लागि म कुनै कसर बाकी राख्ने छैन’’, उनले भने ।
नेता आलेले अन्त्यमा लोकतन्त्र सुदृढ बनाउन र विकासलाई तीव्रता दिन मतदाताको साथ र समर्थन आवश्यक रहेको बताउँदै आगामी निर्वाचनमा आफूलाई विजयी गराउन अपिल गरे ।
उनले “जनताको विश्वासलाई कहिल्यै टुट्न दिने छैन” भन्दै आफ्नो प्रतिबद्धता पुनः दोहोर्याए ।
स्थानीय बासिन्दाले विशालनगर क्षेत्रका विभिन्न समस्याबारे ध्यानाकर्षण गराएका थिए । सडक स्तरोन्नति, नाली, ढल निकास, स्वास्थ्य सेवा विस्तार तथा कृषकलाई सहुलियत कर्जा जस्ता मागहरू राखेका थिए ।
त्यसको जवाफमा नेता आलेले जनताका जायज मागलाई प्राथमिकतामा राख्दै योजनाबद्ध ढंगले काम अगाडि बढाइने आश्वासन दिए ।
घरदैलो कार्यक्रमका क्रममा उनले मतदातासँग प्रत्यक्ष भेटघाट गर्दै आशीर्वाद तथा सुझाव लिएका थिए ।
स्थानीयवासीहरूले पनि विकासमुखी नेतृत्वको आवश्यकता औंल्याउँदै आलेप्रति सकारात्मक प्रतिक्रिया दिएका थिए ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस