शुक्रवार, जेठ २२ गते २०८३
शुक्रवार, जेठ २२ गते २०८३
शुक्रवार, जेठ २२ गते २०८३
बुधवार , चैत्र ११, २०८२
काठमाडौं । प्रतिनिधिसभाका नवनिर्वाचित ज्येष्ठ सदस्य अर्जुननरसिंह केसीले पद तथा गोपनीयताको शपथ लिएका छन् । बुधबार बिहान राष्ट्रपति कार्यालय शीतल निवासमा आयोजित एक विशेष समारोहकाबीच राष्ट्रपति रामचन्द्र पौडेलले केसीलाई शपथ गराएका हुन् ।
७८ वर्षीय केसी गत फागुन २१ गते सम्पन्न निर्वाचनमा नेपाली कांग्रेसका तर्फबाट समानुपातिक प्रणालीमार्फत निर्वाचित भएका हुन् । संसद्को सबैभन्दा ज्येष्ठ सदस्य भएकाले उनले नयाँ सभामुख चयन नभएसम्म प्रतिनिधिसभाको बैठकको अध्यक्षता समेत गर्नेछन् ।
आज राष्ट्रपतिबाट शपथ लिएसँगै केसीले भोलि चैत १२ गते, बिहीबार प्रतिनिधिसभाका अन्य २७४ जना सदस्यहरूलाई सामूहिक रूपमा शपथ ग्रहण गराउने कार्यक्रम तय भएको छ ।
प्रतिनिधिसभामा प्रत्यक्षतर्फ १६५ र समानुपातिकतर्फ ११० गरी कुल २७५ जना सांसद निर्वाचित भएका छन् । केसीको शपथसँगै नयाँ संसदले औपचारिक रूपमा आफ्नो कार्यसंचालनको प्रक्रिया अघि बढाएको छ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस