काठमाडौं । माओवादी केन्द्रको चौथो दिन केन्द्रीय समिति बैठक सुरु भएको छ ।

बुधबारदेखि प्रज्ञा भवन कमलादीमा जारी बैठकमा अध्यक्ष पुष्पकमल दाहाल प्रचण्डले प्रस्तुत गरेको राजनीति र संगठनात्मक प्रतिवेदनमाथि केन्द्रीय सदस्यहरूले आफ्नो विचार राख्ने क्रम जारी छ ।

केन्द्रीय कार्यालय सचिव डोरप्रसाद उपाध्यायले आजको बैठकमा पनि करिब दुई सयको हाराहारीमा नाम टिपाइएकाले सदस्यहरूले बोल्ने क्रम भोलि नरोकिने जानकारी दिए ।

‘दुई सय जनाले बोलिसकेपछि विचार दोहोरिन्छ भन्ने हो तर बोल्न चाहेका सबैलाई समय उपलब्ध गराइन्छ, यदि बोल्ने क्रम आज रोकिए आइतबार अध्यक्षज्यूले सदस्यहरूले उठाएको प्रश्नको जवाफ दिनुहुन्छ ।’ उनले भने ।

हिजो (शुक्रबार) सम्म एक सय ४१ जना सदस्यहरूले आफ्ना भनाई पार्टी बैठकमा राखिसकेका छन् । बैठकमा ७५८ जनाको सहभागिता रहेको छ ।