काठमाडौँ । नेकपा (एकीकृत समाजवादी) ले आफ्नो दशौँ राष्ट्रिय महाधिवेशन आउँदो असार १६ गतेदेखि २० गते सम्म काठमाडौँमा गर्ने भएको छ ।
सो पार्टीको बुधबार बसेको ८० औँ सचिवालय बैठकले यही जेठ ३ देखि ७ गतेसम्म गर्ने भनिएको दसौँ राष्ट्रिय महाधिवेशनलाई असारमा गर्ने निर्णय गरेको पार्टीका उपमहासचिव एवं प्रचार विभाग प्रमुख जगन्नाथ खतिवडाले सुनौलो नेपाललाई जानकारी दिए ।
उनले भने, ‘यसअघि जेठ ३ गते देखि ७ गतेसम्म हुने भनिएको दसौँ महाधिवेशन हाम्रो धेरै आन्तरिक तयारीहरुका कारणले एवं जिल्ला कमिटीहरुले माग गरे बामेजिम र केन्द्रले विष्लेषण गर्दा त्यसलाई उपयुक्त ठहराए अनुसार महाधिवेशनलाई केही दिन पछाडि सारेका छौँ, आउँदो असार १६ गते देखि २० गतेसम्म काठमाडौँमा दसौँ राष्ट्रिय महाधिवेशन गर्ने निर्णय गरिएको छ ।’