काठमाडौं । कतारका लागि प्रस्तावित राजदुत रमेशचन्द्र पौडेलले नेपालमा प्रत्यक्ष लगानी भित्र्याउन कतार सरकारसँग विशेष पहल गर्ने बताएका छन् ।

मंगलबार सिंहदरबारमा बसेको संसदीय सुनुवाई समितिको बैठकमा आफ्नो कार्ययोजना प्रस्तुतु गर्दै उनले यस्तो बताएका हुन् । उनले कतारसँगको सम्बन्ध थप बिस्तार गर्दै कतारमा रहेका नेपालीहरुका समस्या समाधानका लागि पहल गर्ने बताए । उनले कतारमा रहेका नेपाली श्रमीकहरुका समस्या समाधानका लागि आवश्यक पहलकदमी लिने र उनीहरुले पाउनुपर्ने सुविधानको व्यवस्थापन गर्ने उल्लेख गरे ।

उनले भने, ‘त्यो देशसँग सम्बन्ध बिस्तार गर्ने, त्यो देशसँग प्रतिनिधिको रुपमा गर्नुपर्ने धेरै कामहरु छन् । नेपाली नागरिकहरु जो त्यहाँ हुनुहुन्छ, उहाँहरुलाई विभिन्न सेवा सुविधाको आवश्यकता पर्दछ । खासगरी पासपोर्ट लगायतका । त्यसको व्यवस्थापन गर्ने ।

कन्सुलर सर्भिसहरु प्रदान गर्ने । श्रमको प्रमुख गन्तव्य भएको कारणले गर्दा त्यसमा तममा सुविधाहरु उपलब्ध गराउने, उहाँहरुको कामलाई अनुकुलन प्रदान गर्ने । नेपालमा प्रत्यक्ष वैदेशिक लगानी भित्र्याउन विशेष पहल गर्ने । त्यहाँ भएका नेपालीहरु, प्रवासी डायस्पोराहरु छ, उहाँहरुसँग भएका श्रोतहरु सर्वोपरी हितमा प्रयोग गर्ने ।’

प्रस्तावित राजदुत पौडेलले सरकारको निर्देशन र त्यहाँको परिस्थितिअनुसार कार्यक्रमहरु अघि बढाउने बताए । उनले श्रमीकहरुको सम्झौताको अवधि थप गर्ने बताए ।