शनिवार, जेठ २३ गते २०८३
शनिवार, जेठ २३ गते २०८३
शनिवार, जेठ २३ गते २०८३
शनिवार , मंसिर २९, २०८१
काठमाडौं । नेपाल प्रिमियर लिग (एनपीएल) मा चितवन राइनोजले जनकपुर बोल्ट्सलाई ३२ रनले पराजित गरेको छ ।
कीर्तिपुरस्थित त्रिवि क्रिकेट मैदानमा टस जितेर ब्याटिङ गरेको चितवनले निर्धारित २० ओभरमा ५ विकेटको क्षतिमा १ सय ८० रनको योगफल तयार पारेको थियो ।
जनकपुर बोल्ट्सलाई पराजित गर्दै चितवन राइनोजले नेपाल एनपीएलको प्लेअफ पुग्ने सम्भावना बलियो बनाएको छ । प्लेअफमा स्थान पक्का गरिसकेको जनकपुरलाई ३२ रनले पराजित गरेपछि चितवनले ७ खेलबाट ८ अंक जोडेको छ ।
१८२ रनको लक्ष्य पछ्याएको जनकपुर बोल्टस १८ ओभरमा सबै विकेट गुमाएर १४८ रनमा अलआउट भयो ।
जनकपुरका लागि जीमी नीशकले २४ बलमा ६५ रन बनाए । १८ बलमै अर्धशतक हानेका निशम एनपीएलमा सबैभन्दा छिटो अर्धशतक बनाउने खेलाडी बने ।उनले २४ बल खेल्दै ५ चौका र ६ छक्का प्रहार गरे । आसिफ शेखले २३ रन जोडे ।
चितवनका रिजन ढकाल, सोहेल तनविर र कुशल मल्लले २-२ विकेट लिए । अमर सिंह राउटेलाले १ विकेट लिए ।
कीर्तिपुरस्थित त्रिवि क्रिकेट मैदानमा टस जितेर ब्याटिङ गरेको चितवनले निर्धारित २० ओभरमा ५ विकेटको क्षतिमा १ सय ८० रनको योगफल तयार पारेको हो ।
कप्तान कुशल मल्ल र रवि वोपाराले १ सय १३ रनको साझेदारी गरेपछि चितवनले जनकपुरलाई विशाल लक्ष्य दिएको हो । कप्तान कुशल ७२ रन बनाउँदा क्याच आउट हुन पुगे । कुशलले ४१ बलमा ३ चौका र ७ छक्का प्रहार गरे । रवि ४४ रनमा क्याच आउट भए ।
ओपनर हसन इसाखिल २८ रन बनाउँदा बसिल हमिद २ र सोहेल तनविर ५रनमा अविजित रहे ।
जनकपुरका लागि ललित राजवंशीले २ विकेट लिए । हर्ष ठाकेर, जेम्स निसम र शेर मल्लले समान एक एक-विकेट लिए ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस