शनिवार, जेठ २३ गते २०८३
शनिवार, जेठ २३ गते २०८३
शनिवार, जेठ २३ गते २०८३
सोमवार , पौष १, २०८१
काठमाडौं । काठमाडौमा भएको यू–१९ खेलमा नेपालले हङकङलाई हराएको छ । हङकङले दिएको ११४ रनको लक्ष्य नेपालले ७ विकेट क्षतिमा भेटाएको हो ।
काठमाडौंको मूलपानी क्रिकेट मैदानमा आजदेखि सुरु भएको एक दिवसीय यू-१९ सिरिजमा नेपालले हङकङलाई तीन विकेटले पराजित गरेको छ ।
हङकङ यू-१९ टोलीले दिएको ११४ रनको सामान्य लक्ष्य नेपालले २६.४ ओभरमा ७ विकेट गुमाएर भेटायो । नेपालका लागि सिब्रिन श्रेष्ठले सर्वाधिक २३, दिलसाद अलीले १८, सन्तोष यादवले १५, कप्तान अभिषेक तिवारीले १०, सोहैल कुँवर र अपराजित पौडेलले समान ९/९, सूर्यांशु कोइरालाले ६, रोशन विश्वकर्माले ४, नरेन भट्टले २ र बनाए ।
हङकङका डानियल म्यापले ४ तथा थोम्स अलेक्जेन्डर फुजेस, शायन पुरी र ह्यारी होडसनले समान एक/एक विकेट लिए ।
टस हारेर पहिले ब्याटिङ गरेको हङकङले ४१.१ ओभरमा सबै विकेट गुमाएर ११३ रन बनाएको थियो । हङकङका लागि अब्दुल समादले अविजित ५० रन बनाए । कप्तान शिव माथुरले २० र प्रीत मंगुकियाले ११ रन बनाए ।
नेपालका सन्तोष यादवले ४ र दयानन्द मण्डलले २ विकेट लिए ।
त्यस्तै, कप्तान अभिषेक तिवारी, सिब्रिन श्रेष्ठ र अपराजित पौडेलले समान एक/एक विकेट लिए ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस