शुक्रवार, जेठ २२ गते २०८३
शुक्रवार, जेठ २२ गते २०८३
शुक्रवार, जेठ २२ गते २०८३
शनिवार , माघ १२, २०८१
काठमाडौं । प्रधानमन्त्री कप महिला राष्ट्रिय क्रिकेटको उपाधि विभागीय टोली सशस्त्र प्रहरी बल (एपीएफ) क्लबले जितेको छ । शनिबार भएको फाइनलमा सुदूरपश्चिमलाई ९ विकेटले हराउँदै एपीएफले उपाधि जितेको हो ।
एपीएफ प्रतियोगितामा अपराजित रहँदै च्याम्पियन बनेको हो । एपीएफले महिला पीएम कप सातौंपटक जितेको हो ।
एपीएफले सुदूरपश्चिमलाई फाइनलमा ९ विकेटले पराजित गर्यो ।
सुदूरपश्चिमले दिएको ६८ रनको लक्ष्य एपीएफले १३औं ओभरमा १ विकेटको क्षतिमा पूरा गर्यो ।
एपीएफका लागि ममता चौधरीले ४३ र इन्दु बर्माले १८ रन बनाए ।
टस जितेर पहिले ब्याटिङ गरेको सुदूरपश्चिमले ६७ रन बनाएको थियो । उसका लागि मनिषा बोहराले सर्वाधिक १८ रन बनाइन् भने कप्तान विन्दु रावलले १७ रन बनाइन् ।
एपीएफकी कविता जोशीले ३ विकेट लिइन् ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस