सोमवार, जेठ २५ गते २०८३
सोमवार, जेठ २५ गते २०८३
सोमवार, जेठ २५ गते २०८३
बिहिवार , चैत्र ६, २०८१
काठमाडौं । व्यवसायी ज्ञानेन्द्रलाल प्रधानले पछिल्लो समय हाउजिङमा लगानी विस्तार गरेका छन् । जलविद्युत, सेयर बजार र हस्पिटालिटी क्षेत्रमा लगानी गरिरहेका व्यवसायी प्रधानले गृहलक्ष्मी रियालिटी लिमिटेडमार्फत हाउजिङ बिजनेसमा प्रवेश गरेका हुन् ।
उनले १ अर्ब ३० करोड रुपैयाँ लगानीमा राजधानीको मनमैजु, फुटुङमा ३५ वटा रेजिडेन्स (आवास) र एउटा ६ तले व्यापारिक भवन निर्माण गरिरहेका छन् ।
कूल लागत मध्ये ४० करोड रुपैयाँ ऋण, ७५ करोड रुपैयाँ स्वपुँजी (इक्विटी) १४ करोड ९० लाख रुपैयाँ हाउजिङ युनिट एडभान्स बुकिङबाट जुटाउने भएको छ । हाउजिङ परियोजनामा ऋण र स्वपुँजी अनुपात ३१ः६९ प्रतिशत रहेको कम्पनीले जनाएको छ ।
कम्पनीले बैंकसँग ऋण सम्झौता गरेर लगानी जुटाइसकेको छ । हाउजिङ परियोजनामा अहिलेसम्म ८८ करोड १० लाख रुपैयाँ लगानी भइसकेको छ । अहिलेसम्म ६८ प्रतिशत वित्तीय प्रगति भएको छ । परियोजना मध्यम चरणमा रहेको आगामी मंसिरभित्र (२०२५ डिसेम्बरसम्म) सक्ने लक्ष्य रहेको गृहलक्ष्मी रियालिटीले जनाएको छ ।
हाउजिङ परियोजनाको सिभिल निर्माण सकिएको छ भने पर्खाल, भूमिगत पानी ट्याङकी, प्लम्बिङ, इलेक्ट्रिक र मेटल वक्र्सको काम जारी रहेको कम्पनीले जनाएको छ ।
हाउजिङ परियोजना बनाउन सन् २०२३ को जुलाइमा स्थापना भएको रियल इस्टेट कम्पनी गृहलक्ष्मी रियालिटीको ४६ प्रतिशत हिस्सा प्रधानको छ । साधारण सेयर (आइपिओ) निष्कासन गर्न कम्पनी पब्लिक लिमिटेडमा परिणत भइसकेको छ । कम्पनीको साझेदार मनमैजु हाउजिङ कम्पनी लिमिटेड रहेको छ ।
प्रधानले त्रिवेणी र विशाल ग्रुपको साझेदारीमा १ सय ८० मेगावाटको कालिगण्डकी गर्ज बनाउँदै छन् । आयोजना बनाउन ४० अर्ब रुपैयाँ लागत अनुमान गरिएको छ । आयोजना बनाउन बैंकबाट ३० अर्ब रुपैयाँ वित्तीय व्यवस्थापन सम्झौता भइसकेको छ ।
यस्तै साझेदारीमा २६ मेगावाटको खुदी जलविद्युत आयोजना पनि निर्माण भइरहेको छ । प्रधानले काभ्रेको बनेपाको बासडोलमा आरुण्य नेचर रिसोट निर्माण गरिरहेका छन् । रिसोर्ट छिट्टै सञ्चालनको तयारी भएको छ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस