एक जना मान्छेलाई पिटेको पनि छैन, हत्याको त कुरै छोडौं: अध्यक्ष प्रचण्ड

सुनौलो नेपाल

शनिवार , चैत्र २९, २०८१

एक जना मान्छेलाई पिटेको पनि छैन, हत्याको त कुरै छोडौं: अध्यक्ष प्रचण्ड

काठमाडौं । शनिबार काठमाडौंमा आयोजित एक पुस्तक विमोचन कार्यक्रमलाई सम्बोधन गर्ने क्रममा पूर्वप्रधानमन्त्री समेत रहेका नेकपा माओवादी केन्द्रका अध्यक्ष पुष्पकमल दाहाल प्रचण्डले इतिहासलाई धकेल्न चाहनेले पछिल्लो समय ‘१७ हजारको हत्यारा’ भनेर हल्ला चलाइरहँदा त्यसको खण्डन नभएको भन्दै गुनासो पोखेका छन् ।

उनले भने, ‘एकथरी मानिसहरू इतिहासलाई पछाडि धकेल्न १७ हजारको हत्यारा भनिरहँदा होइन यो त युद्धको नियम अनुसार युद्धमा भएको कुरा हो । राज्यपक्ष र विद्रोहीले कति गर्‍यो भन्ने कुरा अध्ययन गर्न सकिन्छ ।’

‘मैले एक जनालाई पिटेको पनि छैन अहिलेसम्म । हत्याको त कुरै छाडौं व्यक्तिको कुरा गर्ने हो भने । युद्धको नेतृत्व मैले गरेको हो शान्तिमा आएपछि सबै कुराको जिम्मा लिन्छु भनेकै छु । तर, यति धेरै गलत आरोप लागिराख्दा बुद्धिजीविबाट यसमा खण्डन भएको देखिँदैन ।’ उनको भनाई छ ।