काठमाडौँ । नेपाली कांग्रेस र नेकपा एमालेका शीर्ष नेताबीच छलफल भएको छ । आइतबार प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवाबीच प्रधानमन्त्रीको सरकारी निवास बालुवाटारमा भेटवार्ता भएको हो ।
भेटमा केपी शर्मा ओली नेतृत्वको सरकारका मन्त्री फेरबदलबारे छलफल भएको बताइएको छ । भेटमा एमाले अध्यक्षसमेत रहेका प्रधानमन्त्री ओली, कांग्रेसका सभापति देउवा तथा एमाले उपाध्यक्ष उपप्रधानमन्त्री एवं अर्थमन्त्री विष्णुप्रसाद पौडेल र गृहमन्त्री तथा कांग्रेस नेता रमेश लेखक सहभागी थिए ।
उक्त भेटमा सरकारको काम प्रभावकारी नभएकाले कार्यसम्पादन राम्रो नभएका मन्त्रीहरू बदलेर नयाँ मन्त्री नियुक्त गर्नेबारे छलफल भएको छ ।
प्रतिक्रिया दिनुहोस