राजनीतिक दल गठन गर्ने दुर्गा प्रसाईंको घोषणा

सुनौलो नेपाल

सोमवार , भाद्र २, २०८२

राजनीतिक दल गठन गर्ने दुर्गा प्रसाईंको घोषणा

काठमाडौं । मेडिकल व्यवसायी दुर्गा प्रसाईंले राजनीतिक दल गठन गर्ने घोषणा गरेका छन् ।

तीनकुने घटनामा पक्राउ परेर दुई साताअघि मात्रै डिल्लीबजार कारागारबाट छुटेका प्रसाईंले सोमबार पत्रकार सम्मेलन गर्दै राजनीतिक दल खोल्ने घोषणा गरेका हुन् ।

‘म लगायत हाम्रो अभियान र अभियानका साथीहरूले राजनीतिक दल खोली दलमा संलग्न हुने अठोट गरेका छौं । त्यसकारण मैले राजनीतिक शक्ति निर्माणका दल गठन गर्ने निश्चय गरेको छु,’ प्रसाईंले भने ।

उनले राजनीतिले गरेको बिगार सुधारका लागि राजनीतिमा नै संलग्न हुन लागेको बताए । उनले भने, ‘म राजनीतिक चेत बोकेको सफल व्यवसायी हुँ । मेरा लागि अब मेरो परिवार र म भन्दा पनि नेपाल र नेपाली प्राथमिकतामा परेका छन् । राजनीतिले बिगारेको यो सुधारका लागि राजनीतिमा संलग्न हुन हामी बाध्य भएका छौं।'

केही समयमै दलको नाम घोषणा गर्ने पनि उनले बताएका छन् ।