काठमाडौं । जेनजीहरूको प्रदर्शनमा मृत्यु हुनेको संख्या १४ पुगेको छ ।
नयाँ बानेश्वरस्थित संसद भवनमा एक जनाले त्यहीँ ज्यान गुमाएका थिए । त्यस्तै, सो क्रममा घाइते भएर विभिन्न अस्पताल पुर्याइएकामध्ये १३ को मृत्यु भएको प्रहरीले जनाएको छ ।
त्यस्तै, सो क्रममा प्रदर्शनकारीसहित सशस्त्र र नेपाल प्रहरीका थुप्रै कर्मचारी घाइते भएका छन् ।
प्रदर्सनमा सैयौँ घाइते भएका छन् । घाइतेहरूको यकिन विवरण भने आइसकेको छैन ।
सोमबार जेनजीहरुले सामाजिक सञ्जाल बन्दको विरोधका साथै भ्रष्टाचारविरुद्ध प्रदर्शन गरेका हुन् ।
प्रतिक्रिया दिनुहोस