काठमाडौं । डडेलधुराबाट काठमाडौंतर्फ आएको एक यात्रुबाहक बस दाङमा दुर्घटना हुँदा २२ जना घाइते भएका छन्। ना ८ ख ७४५५ नम्बरको बस आज बिहान करिब ३ बजे लमही नगरपालिका–१ कौडिया पुलबाट तल खसेको जिल्ला प्रहरी कार्यालय दाङले जनाएको छ।
बसमा ३८ जना यात्रु सवार रहेकोमा दुर्घटनापछि घाइते २२ जनालाई उद्धार गरी लमही अस्पताल पठाइएको प्रहरीले जनाएको छ।
प्रारम्भिक अनुसन्धानअनुसार बस चालकले ‘पट्टा भाँचिएर सवारी अनियन्त्रित भएको’ बयान दिएका छन्। घटनाबारे थप अनुसन्धान भइरहेको प्रहरीले जनाएको छ।
प्रतिक्रिया दिनुहोस