सोमवार, जेठ २५ गते २०८३
सोमवार, जेठ २५ गते २०८३
सोमवार, जेठ २५ गते २०८३
मंगलवार , पौष ८, २०८२
काठमाडौं । नेपाली कांग्रेसका नेता डा शेखर कोइरालाले पार्टीको महाधिवेशन केहि लम्बिन सक्ने बताएका छन् ।
मंगलबार काठमाडौंमा आयोजित किशुनजीको जीवन र व्यक्तित्व विषयक कार्यक्रममा कोइरालाले आफु तोकिएको समयमा नै महाधिवेशन गर्नुपर्ने पक्षमा नै रहेको भन्दै क्रियाशील सदस्यका बिषयमा भएको ढिलाइले महाधिवेशन केहि लम्बिन सक्ने देखिएको बताएका हुन् ।
नयाँ क्रियाशील सदस्य बितरणका क्रममा देशभर सिरियल नम्बर नै नभएको काजगात पठाएपछि आफु चनाखो भएको उनले बताए । कोइरालाले महाधिवेशन केहि लम्बिए पनि त्यसले खासै फरक नपर्ने धारणा राखे ।
उनले विशेष अधिवेशनको माग गर्ने र चूनावपछि महाधिवेशन गर्नुपर्छ भन्ने समूहले आफुलाई खेलाउन खोजेको महशुस भएपछि चूनावअघि नियमित महाधिवेशन हुनुपर्छ भन्नेमा आफु मागमा अडिक भएको बताए ।
शान्ति सुरक्षाको पूर्ण रुपमा प्रत्याभूती नभएसम्म हुन नसक्ने भन्दै उनले चूनावको नाममा धाँधली गरेर कसैलाई जित्न नदिने उल्लेख गरे । उनले देश यहि अवस्थामा रहन्छ वा रहदैन भन्नेमा चिन्ता गर्नुपर्ने अवस्था देखिएको बताए ।
कोइरालाले आगामी दिनमा नेपालमा फेरि अर्को दुर्घटना हुन सक्ने भन्दै त्यसलाई रोक्न सवै गम्भीर हुनुपर्नेमा जोड दिए । जेनजीको आन्दोलनका क्रममा भाद्र २४ गतेको घटना नेपालको राष्ट्रियता कमजोर भएर घटेको हिंसा भएको उनको भनाइ छ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस