सोमवार, जेठ २५ गते २०८३
सोमवार, जेठ २५ गते २०८३
सोमवार, जेठ २५ गते २०८३
शुक्रवार , पौष ११, २०८२
काठमाडौं । नेपाली कांग्रेसको केन्द्रीय कार्यसम्पादन समितिको बैठक आज पनि बस्ने भएको छ । बैठक दिउँसो १ बजे पार्टी केन्द्रीय कार्यालयमा पुनः बस्न लागेको हो ।
मुख्यसचिव कृष्णप्रसाद पौडेलका अनुसार बुधबारदेखि सुरु भएको बैठकमा उपसभापति धनराज गुरुङ, महामन्त्रीद्वय गगनकुमार थापा र विश्वप्रकाश शर्मा, सहमहामन्त्रीहरू फरमूल्लाह मन्सुर, उमाकान्त चौधरी, महालक्ष्मी उपाध्याय ‘डिना’, भीष्मराज आङ्दम्बे र महेन्द्र यादव, कोषाध्यक्ष उमेश श्रेष्ठ तथा सदस्यहरू विमलेन्द्र निधि, विजयकुमार गच्छदार, अर्जुननरसिंह केसी, प्रवक्ता डा. प्रकाशशरण महत, बलबहादुर केसी र ज्ञानेन्द्रबहादुर कार्कीले आफ्ना धारणा राखिसकेका छन् ।
बैठकमा महामन्त्री विश्वप्रकाश शर्माले आगामी १६ दिनभित्र क्रियाशील सदस्यताको काम टुंग्याउनुपर्ने अवस्था रहेको उल्लेख गर्दै सो काम सकेर वडा र प्रतिनिधिसभा क्षेत्रीय अधिवेशन सम्पन्न गरी सिधै केन्द्रीय महाधिवेशनमा जान प्रस्ताव गरेका छन् ।
उनले महाधिवेशनको मिति केही दिन तलमाथि हुन सक्ने सम्भावना पनि औँल्याएका छन् ।
यस्तै, पार्टी प्रवक्ता डा. प्रकाशशरण महतले क्रियाशील सदस्यताको विषय टुंग्याएर महाधिवेशन प्रक्रिया अघि बढाउन खासै कठिनाइ नभएको बताएका छन् । उनका अनुसार क्रियाशील सदस्यता नै सबैभन्दा ठूलो चुनौती भएकाले वडादेखि सुरु हुने कार्यतालिका प्रभावित हुने अवस्था देखिएको छ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस