शुक्रवार, जेठ २२ गते २०८३
शुक्रवार, जेठ २२ गते २०८३
शुक्रवार, जेठ २२ गते २०८३
मंगलवार , चैत्र १७, २०८२
काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछाने र लोकतान्त्रिक समाजवादी पार्टी (लोसपा) का अध्यक्ष एवं राष्ट्रिय सभा सदस्य महन्थ ठाकुरबीच भेटवार्ता भएको छ। भेटका क्रममा वर्तमान राजनीतिक परिस्थिति, मधेसको विकास र राज्यले प्राथमिकता दिनुपर्ने जनसरोकारका योजनाहरूबारे गहन छलफल भएको जनाइएको छ।
भेटमा दुवै नेताले पछिल्लो जनादेशअनुसार मुलुकको समग्र समृद्धिका लागि आपसी सहकार्य गर्दै अघि बढ्ने विषयमा ऐक्यबद्धता जनाएका छन्। विशेष गरी मधेस प्रदेशका विद्यमान समस्याहरूको समाधान र विकास निर्माणका कार्यलाई प्रभावकारी बनाउन साझा धारणा बनाएर अघि बढ्ने विषयमा दुवै पक्ष एकमत देखिएका छन् ।
रास्वपाले मधेस केन्द्रित संगठन विस्तार गरिरहेका बेला पुराना र अनुभवी राजनीतिज्ञ ठाकुरसँगको यो भेटलाई राजनीतिक वृत्तमा अर्थपूर्ण रूपमा हेरिएको छ । दुवै नेताले आगामी दिनमा पनि संवादलाई निरन्तरता दिने र जनपक्षीय मुद्दाहरूमा संसद्मा समेत सहकार्य गर्ने प्रारम्भिक सहमति गरेका छन् ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस