शुक्रवार, जेठ २२ गते २०८३
शुक्रवार, जेठ २२ गते २०८३
शुक्रवार, जेठ २२ गते २०८३
मंगलवार , चैत्र १७, २०८२
काठमाडौं । प्रधानमन्त्री बालेन्द्र शाहले अत्यन्त जरुरी आयोजनाहरुलाई प्राथमिकताका आधारमा अघि बढाउने प्रतिवद्धता जनाएका छन् ।
मंगलबार सिंहदरबारमा सुदूरपश्चिम प्रदेशबाट प्रतिनिधित्व गर्ने सांसदहरुसँग छलफल गर्दै प्रधानमन्त्री शाहले अत्यन्त जरुरी आयोजनालाई बजेटको सीमाभित्र रहेर प्राथमिकतामा आधारमा अघि बढाउने प्रतिवद्धता जनाएका हुन् ।
छलफलका क्रममा प्रधानमन्त्री शाहले प्रदेशमा अघि बढ्न नसकेका जरुरी योजनाहरुका बारेमा जानकारी लिएको कैलाली–४ बाट निर्वाचित सांसद खेमराज कोइरालाले जानकारी दिए ।
सुदूरपश्चिममा तत्काल आवश्यक २ अर्व ६० करोड आसपासको बजेटलाई बिनियोजन गर्न आफुहरुले आग्रह गरेको र प्रधानमन्त्रीबाट सकारात्मक जवाफ प्राप्त भएको उनले बताए । सांसद कोइरालले बजेटको आकार हेरेर जरुरी योजनाहरुलाई अघि बढाउने समेत प्रतिवद्धता आएको जानकारी दिए ।
प्रधानमन्त्री शाहले यसअघि सोमबार कोशी र कर्णाली प्रदेशबाट निर्वाचित बिभिन्न दलका सांसदहरुसंग छलफल गरेका थिए ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस