शुक्रवार, जेठ २२ गते २०८३
शुक्रवार, जेठ २२ गते २०८३
शुक्रवार, जेठ २२ गते २०८३
बुधवार , चैत्र १८, २०८२
काठमाडौं । सर्वोच्च अदालतमा पूर्वमन्त्री तथा कांग्रेस नेता दीपक खड्का र एमालेकी लुम्बिनी प्रदेश सांसद रेखा शर्मा सम्बन्धी बन्दी प्रत्यक्षीकरण रिटमाथि आज सुनुवाइ हुँदैछ ।
उक्त रिट न्यायाधीश श्रीकान्त पौडेलको इजलासमा पेसी तोकिएको हो । खड्काको हकमा उनकी श्रीमती बिनिता खड्काले र शर्माको हकमा चिन्तामणि शर्माले रिट निवेदन दर्ता गरेका थिए ।
सम्पत्ति शुद्धीकरण सम्बन्धी अनुसन्धानका लागि दीपक खड्का आइतबार पक्राउ परेका थिए । यस्तै, रेखा शर्मा माथि नाबालिकालाई घरेलु कामदारका रूपमा राखी बालबालिका विरुद्धको कसुर गरेको आरोप लागेको छ ।
केही वर्षअघि उनको घरबाट एक बालिकालाई काठमाडौँ महानगरपालिका ले उद्धार गरेको थियो । सो घटनापछि तत्कालीन मेयर बालेन्द्र शाह ले सामाजिक सञ्जालमार्फत पीडित बालिकाको पक्षमा प्रतिक्रिया जनाएका थिए ।
उक्त दुवै मुद्दामा आजको सुनुवाइले आगामी कानुनी प्रक्रियाको दिशा तय गर्ने अपेक्षा गरिएको छ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस