काठमाडौं । कानुन, न्याय तथा संसदीय मामिलामन्त्री सोबिता गौतमले आफ्नो निर्वाचन क्षेत्र चितवन–३ अन्तर्गत चितवन राष्ट्रिय निकुञ्जभित्र कसरास्थित पवित्र विक्रम बाबा पूजास्थलमा पूजाआराधना गरेकी छन् । मन्त्री गौतमले बुधबार पूजाआराधना गरेकी हुन् ।
चैतेदसैँको अवसरमा आयोजना हुने विक्रमबाबा पूजा परापूर्वकालदेखि थारू समुदायमा प्रचलित यो धार्मिक परम्परा आज सबै समुदायको साझा आस्थाको केन्द्र बनेको छ ।
मन्त्री गौतमले विक्रमबाबा मेलामा सहभागी भई सालको रूखको फेदमा पूजा–अर्चना गरिन् । प्रकृति–पूजासँग जोडिएको यस परम्पराले वन, नदी तथा प्राकृतिक स्रोतप्रति संरक्षणको भावना अभिवृद्धि गर्ने विश्वास मन्त्री गौतमले व्यक्त गरिन् ।
प्रतिक्रिया दिनुहोस