काठमाडौं । नेपाल प्रहरी प्रधान कार्यालयले जनपद प्रहरी समूहतर्फ खुला प्रतियोगिताद्वारा पदपूर्ति गरिने प्रहरी जवान पदको माग संख्यामा वृद्धि गरेको छ ।
गत २०८२ साल असोजमा प्रकाशित विज्ञापनमा उल्लेखित संख्यामा थप १,३७५ पद समावेश गरिएपछि अब कुल २,९२८ जनाको भर्ना लिइने भएको छ । यसअघि १,५५३ जनाको मात्र माग गरिएको थियो ।
प्रहरी प्रधान कार्यालयअन्तर्गत मानवस्रोत विकास विभागले जारी गरेको सूचनाअनुसार विज्ञापन प्रक्रिया अघि बढेपछि थप रिक्त हुन आएका पदहरू पनि सोही विज्ञापनमा समेटिएको हो । यससँगै भर्ना संख्या झण्डै दोब्बर पुगेको छ ।
नयाँ व्यवस्थाअनुसार कुल २,९२८ पदमध्ये खुलातर्फ १,५७८ जनाको भर्ना गरिनेछ ।

प्रतिक्रिया दिनुहोस