काठमाडौं । अमेरिकी विदेश मन्त्रालयका दक्षिण तथा मध्य एशिया मामिला हेर्ने सहायक विदेशमन्त्री समीर पल कपुर काठमाडौं आइपुगेका छन् ।
उनी आज बिहान करिब सवा ६ बजे त्रिभुवन अन्तर्राष्ट्रिय विमानस्थलमा अवतरण गरेको स्रोतले जनाएको छ ।
भारतीय मूलका कपुर बालेन शाह नेतृत्वको सरकारसँग सम्बन्ध विस्तार गर्ने उद्देश्यसहित काठमाडौं आएको बताइएको छ । भ्रमणका क्रममा उनले उच्चस्तरीय भेटघाट गर्ने र केही मन्त्रीहरूसँग पनि छलफल गर्ने तयारी छ ।
कपुरको काठमाडौं भ्रमण तीन दिनको हुने र उनी बुधबार फर्किने बताइएको छ । उनी बालेन नेतृत्वको सरकार बनेपछि नेपाल आउने सबैभन्दा वरिष्ठ अमेरिकी कूटनीतिज्ञ मानिएका छन् ।
प्रतिक्रिया दिनुहोस