बुधवार, जेठ २७ गते २०८३
बुधवार, जेठ २७ गते २०८३
बुधवार, जेठ २७ गते २०८३
बुधवार , जेठ २७, २०८३
काठमाडौं । अर्थमन्त्री डा. स्वर्णिम वाग्लेले प्रतिनिधिसभा अवरुद्ध पारेर आगामी आर्थिक वर्षको बजेट र आफूविरुद्ध सङ्गठित रूपमा अफवाह फैलाउने प्रयास भएको गम्भीर आरोप लगाएका छन् । संसद्मा जारी अवरोधका कारण बजेटमाथि खुला छलफल हुन नपाएको फाइदा उठाउँदै स्वार्थ समूहले भ्रमपूर्ण सूचना प्रवाह गरेको उनको दाबी छ ।
बुधबार प्रतिनिधिसभाअन्तर्गतको अर्थ समितिमा आयोजित बजेटसम्बन्धी विशेष छलफलका क्रममा बोल्दै अर्थमन्त्री वाग्लेले संसद् ठप्प पारेर बाहिर–बाहिर नियोजित रूपमा आक्रमण भइरहेको बताए ।
बजेटमाथि गहन छलफल हुनुपर्ने प्रतिनिधिसभा अवरोध गरियो। त्यसपछि बजेट र मबारे सङ्गठित रूपमा अफवाह फैलाइयो,ू अर्थमन्त्री वाग्लेले समितिको बैठकमा आक्रोश पोख्दै भने, ती तमाम नियोजित आरोप र भ्रमहरूका विषयमा सत्यतथ्य स्पष्ट पार्न नै म आज संसदीय समितिमा उपस्थित भएको हुँ।
प्रधानमन्त्री बालेन शाहको सीमासम्बन्धी लिपिकीय वा मौखिक अभिव्यक्तिको विरोध गर्दै प्रतिपक्षी दलहरूले सदन चल्न नदिएपछि अर्थमन्त्रीले संसदीय समितिबाटै आफ्नो प्रतिरक्षा गरेका हुन् । उनले बजेटका सिद्धान्त, प्राथमिकता र विनियोजनका विषयमा सञ्चारमाध्यम तथा राजनीतिक वृत्तमा उठाइएका प्रश्नहरूको डेटा र तथ्यका आधारमा जवाफ दिन आफू पूर्ण रूपमा तयार रहेको स्पष्ट पारे ।
संसद्को मुख्य बैठक प्रतिपक्षीको नाराबाजीका कारण बन्धक भइरहेका बेला अर्थ समितिले भने बजेटसँग सम्बन्धित महत्वपूर्ण सरोकारवालाहरूसँगको छलफललाई समानान्तर रूपमा अघि बढाइरहेको छ ।
संसद्मा जारी राजनीतिक विवादका कारण बजेटमाथिको नियमित छलफल प्रभावित भइरहेका बेला अर्थमन्त्रीको यो अभिव्यक्ति आएको हो ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस